果蠅飛嚟飛去好困擾!

有位用左BioKill滅蟲劑十幾年的客人,近期發現好多果蠅出現,噴咗全效滅蟲劑後,數量少左,亦見到有死果蠅,但係keep住每日都見到幾隻飛嚟飛去,客人覺得好困擾,向我哋諮詢時,表示屋企好乾淨企理,唔覺有任何跡象係屋企滋生,懷疑係外面飛入嚟。

我地建議佢檢查下會唔會有食物跌左係傢俱底或背無留意,例如櫃底、梳發底或按摩椅後嘅位置。隔左幾日,客人打黎話係個死角位見到有個爛生果係入面!旁邊仲有一排果蠅卵同果蠅飛飛下!清走隻爛生果同抹乾淨後,佢用全效滅蟲劑噴番附近位置,之後就冇再見到果蠅喇!

通常噴完BioKill保而剋滅蟲劑有蟲死,但又有生嘅不停出現,其實係代表個蟲患源頭仲未解決,只要處理左個源頭,害蟲自然難以繼續滋生。